კომერციული ბანკებისათვის უძრავი ქონების შეფასების ინსტრუქცია ამოქმედდა. მისი მიზანია უძრავი ქონების შეფასების ხარისხის ამაღლება; შეფასების პროცესის გამჭვირვალობა; შემფასებლის ეთიკის სტანდარტების განსაზღვრა.მიმდინარე წლის ბოლომდე ამოქმედდება აგრეთვე კანონი საშემფასებლო საქმიანობის შესახებ.
ეროვნული ბანკის ინსტრუქციით უძრავი ქონების შეფასებისას 2019 წლის 01 იანვრიდან სავალდებულო ხდება შესაფასებელი ქონების ინსპექტირება.დადგენილია კორექტირების ზღვრული ნორმები. კომერციული ბანკი ვალდებულია შეაჩეროს ან შეწყვიტოს შემფასებელთან დადებული ხელშეკრულება ეროვნული ბანკის მოთხოვნით თუ შემფასებლის საქმიანობა არ არის შესაბამისობაში ინსტრუქციასთან ან არსებობს გონივრული ეჭვი დამოუკიდებლობასთან დაკავშირებით.
ინსტრუქცია ადგენს შემფასებლის ეთიკის სტანდარტს და ითხოვს , რომ შემფასებელი უნდა იყოს მაღალი რეპუტაციის მქონე პირი, რომელსაც გააჩნია სათანადო კვალიფიკაცია, უნარი,შეფასების საერთაშორისო სტანდარტების ცოდნა და გამოცდილება შეფასების ხარისხიანად განხორციელებისათვის.
