ეროვნული ბანკის მიერ ფასის სავალდებულო გამოხატვასთან დაკავშირებით დადგინდა განსხვავებული წესი, თუ აღნიშნული დაკავშირებულია:

1. ავიაბილეთების რეალიზაციასთან, სასტუმროს და ტურისტულ მომსახურებასთან, თუ შეთავაზება ან რეკლამირება ხორციელდება უცხოურ ენაზე, ასევე აზარტულ თამაშობებთან.
2. ტვირთების საერთაშორისო გადაზიდვებთან.
3. თავისუფალი ვაჭრობის პუნქტებში, თავისუფალ ინდუსტრიულ ზონებსა და აეროპორტის გაფრენის ზონებში განხორციელებულ ოპერაციებთან.
4. როუმინგის მომსახურებასთან.
5. უცხოეთში გადაზღვევის მომსახურებასთან.
6. ინტელექტუალური საკუთრების ობიექტების დაპატენტებასთან, რეგისტრაციასთან და დეპონირებასთან დაკავშირებულ მომსახურებასთან.
7. ელექტროენერგიის, ბუნებრივი გაზის, ნავთობისა და წყალმომარაგების იმპორტთან, ექსპორტთან/რეექსპორტთან და/ან ტრანზიტთან.
8. არარეზიდენტის მიერ ან არარეზიდენტისათვის განხორციელებულ ოპერაციებთან.
9. ენერგეტიკის დარგში საერთაშორისო და/ან უცხო ქვეყნის საფინანსო ინსტიტუტების და/ან ინვესტორის დაფინანსებით განსახორციელებელი პროექტების ფარგლებში განხორციელებულ ოპერაციებთან.
10. ოკუპირებულ ტერიტორიებზე ენერგეტიკის დარგში განხორციელებულ ოპერაციებთან.
11. საქართველოს საერთაშორისო ხელშეკრულებების ფარგლებში აღებული ვალდებულებების შესრულებასთან.
12. უცხოური საგადახდო სისტემის გამოყენებით უცხოური ვალუტით განხორციელებულ მომსახურებასთან.
13. მიმოქცევად ფასიან ქაღალდთან, რომელიც ადასტურებს წილობრივ მონაწილეობას უცხოურ კომპანიაში.