საქართველოს საგადასახადო კანონმდებლობამ განიცადა არაერთი პოზიტიური ცვლილება: 

1. ქ. თბილისში 2015 წლის 13-14 ივნისს მომხდარი სტიქიის შედეგად მიღებული ზარალის ჩამოწერას გადამხდელები შემოსავლების სამსახურის წარმომადგენლების ადგილზე მისვლის გარეშე განახორციელებენ
2. ფიზიკური პირის მიერ საცხოვრებელი ფართობის იურიდიულ ან ფიზიკურ პირზე საცხოვრებელი მიზნით გაქირავების შედეგად მიღებული შემოსავალი 5 პროცენტით იბეგრება ,თუ იმავდროულად ფიზიკური პირი მიღებული შემოსავლიდან გამოქვითვებს არ ახორციელებს,.
3. ფიზიკური პირის მიერ საცხოვრებელი ბინის (სახლის) და მასზე დამაგრებული მიწის ნაკვეთის, აგრეთვე ავტოსატრანსპორტო საშუალების მიწოდებით მიღებული ნამეტი შემოსავალი 5 პროცენტით იბეგრება
4. არარეზიდენტისთვის გადახდილი როიალტი გადახდის წყაროსთან 5 პროცენტით იბეგრება, გამონაკლისს წარმოადგენენ შეღავათიანი დაბეგვრის მქონე/ოფშორულ ქვეყანაში რეგისტრირებული პირები, რომელთათვის გადასახადისგანაკვეთი 15 %-ით განისაზღვრა.
5. დღგ-ის გადამხდელად რეგისტრირებული პირის მიერ უკუდაბეგვრის შემთხვევაში დარიცხული და დღგ-ის დეკლარაციაში ასახული უკუდაბეგვრის დღგ-ის თანხაიმავდროულად ჩათვლის მიღების საფუძველია. ცვლილების განხორციელებამდე ჩათვლის მიღება ხორციელდებოდა დღგ-ს თანხის გადახდის ან სხვა გადასახადიდან უკუდაბეგვრის ბარათზე თანხის გადატანის დამადასტურებელი დოკუმენტით.
6. შემცირდა საურავი გადაუხდელი გადასახადისთვის და შეადგენს თანხის 0,05 პროცენტს ყოველი ვადაგადაცილებული დღისათვის.
7. შემცირდა ჯარიმა დღგ-ის გადამხდელად რეგისტრაციის გარეშე საქმიანობისთვის – რეგისტრაციის გარეშე საქმიანობის პერიოდში განხორციელებული დღგ-ით დასაბეგრი ოპერაციების თანხის 5 პროცენტის ოდენობით