საქართველოს საგადასახადო კოდექსში შესატანი ცვლილებების პროექტით გათვალისწინებულია ძირითადი საშუალებების
იმპორტის დღგ-სგან განთავისუფლება. განთავისუფლებას დაქვემდებარებული ძირითადი საშუალებების ნუსხას დამატებით განსაზღვრავს საქართველოს მთავრობა. შეღავათი ცვლილების პროექტით წარმოდგენილია იმგვარად, რომ დღგ-ს დარიცხვა განხორციელდება, თუმცა დარიცხული დღგ-ის გადახდის ვალდებულება წარმოიშვება საქონლის გაშვებიდან არაუგვიანეს 45 დღისა, რაც გულისხმობს ამავე პერიოდში გადამხდელის მიერ დეკლარირების განხორციელებისას ჩათვლის მიღების შესაძლებლობას. შედეგად, თუ ძირითადი საშუალება მონაწილეობას სრულად მიიღებს დასაბეგრ ბრუნვებში, ბიუჯეტში მათი იმპორტისას გადასახადელი დღგ ნულს გაუტოლდება.
